ଭୁବନେଶ୍ବର: କ୍ଲାସ୍ ରୁମ୍ ଛାଡି ଧାରଣା ଦେଇଛନ୍ତି ଛାତ୍ରୀ। ପ୍ରଧାନ ଶିକ୍ଷକଙ୍କ ପାଇଁ ସେମାନେ ପ୍ରତିବାଦ କରିଛନ୍ତି । ଯୌନ ନିର୍ଯାତନା ମାମଲାରେ ଗିରଫ ହୋଇଥିବା ପ୍ରଧାନ ଶିକ୍ଷକଙ୍କ ବିରୁଦ୍ଧରେ ଷଡଯନ୍ତ୍ର ହୋଇଥିବା ନେଇ ଛାତ୍ରୀମାନେ ଅଭିଯୋଗ କରିଛନ୍ତି । ଏହା ସହ ତାଙ୍କୁ ଫେରାଇ ଆଣିବାକୁ ଦାବି କରିଛନ୍ତି । ଏଭଳି ଏକ ଦୃଶ୍ୟ ଭୁବନେଶ୍ବର ୟୁନିଟ୍-୧ ସରକାରୀ ଉଚ୍ଚ ବାଳିକା ବିଦ୍ୟାଳୟରେ ଦେଖିବାକୁ ମିଳିଛି।
ଜୁଲାଇ ୨୧ ତାରିଖରେ ପ୍ରାଧାନ୍ୟ ଶିକ୍ଷକ ଯୌନ ନିର୍ଯ୍ୟାତନା ମାମଲାରେ ଗିରଫ ହୋଇଥିଲେ। ସ୍କୁଲର ଶିକ୍ଷୟିତ୍ରୀମାନେ ପ୍ରଧାନ ଶିକ୍ଷକଙ୍କ ବିରୁଦ୍ଧରେ ଅଭିଯୋଗ କରିଥିଲେ। ସୋମବାର ସ୍କୁଲର ଛାତ୍ରୀମାନେ ପ୍ରଧାନ ଶିକ୍ଷକଙ୍କୁ ଫେରାଇ ଆଣିବା ନେଇ ଦାବି କରିବା ସହ କ୍ଲାସ୍ ଛାଡି ଧାରଣାରେ ବସିଥିଲେ। ନିରୁପାୟ ପୁଲିସ ହାତ ବାନ୍ଧି ଛିଡ଼ା ହୋଇଥିବାର ଦେଖିବାକୁ ମିଳିଥିଲା।
ଅଧିକ ପଢ଼ନ୍ତୁ: ପୀଡ଼ିତାଙ୍କୁ ବଞ୍ଚାଇବାର ପ୍ରୟାସ କରିଥିବା ଛାତ୍ରଙ୍କୁ ଗିରଫ ମାମଲା: ମୁହଁ ଖୋଲିଲା ଏବିଭିପି
ସୂଚନା ଅନୁସାରେ, ଭୁବନେଶ୍ୱରର ୟୁନିଟ୍-୧ ବାଳିକା ଉଚ୍ଚ ବିଦ୍ୟାଳୟର ଛାତ୍ରୀମାନେ ନଅ ଜଣ ଶିକ୍ଷୟିତ୍ରୀଙ୍କ ଦ୍ୱାରା ଦୁଷ୍କର୍ମ ଏବଂ ନିର୍ଯାତନା ଅଭିଯୋଗ ନେଇ ଅଭିଯୁକ୍ତ ପ୍ରଧାନ ଶିକ୍ଷକ ଦିଲୀପ କୁମାର ବଡ଼ପଣ୍ଡାଙ୍କ ଗିରଫଦାରୀ ବିରୁଦ୍ଧରେ ପ୍ରତିବାଦ କରିଛନ୍ତି। ଅଭିଯୋଗ ମିଥ୍ୟା ବୋଲି ଦାବି କରି ଛାତ୍ରୀମାନେ ନ୍ୟାୟ ଦାବି କରିଛନ୍ତି। ବ୍ଲକ ଶିକ୍ଷା ଅଧିକାରୀ(ବିଇଓ) ଏବଂ ଦାୟିତ୍ୱରେ ଥିବା ପ୍ରଧାନ ଶିକ୍ଷୟିତ୍ରୀଙ୍କ ସହିତ ସ୍ଥାନୀୟ ପୁଲିସ ଘଟଣାସ୍ଥଳରେ ପହଞ୍ଚି ମଧ୍ୟସ୍ଥତା କରିବାକୁ ଚେଷ୍ଟା କରିଥିବା ଦେଖିବାକୁ ମିଳିଥିଲା।
ଛାତ୍ରୀମାନେ ସ୍କୁଲର ମୁଖ୍ୟ ଫାଟକ ବାହାରେ ଏକତ୍ରିତ ହୋଇ ଗେଟକୁ ତାଲା ପକାଇ ଦେଇଥିଲେ। ସେମାନେ ଗତ ମାସରେ ସେମାନଙ୍କ ଶିକ୍ଷକ ଦିଲୀପ କୁମାର ବଡ଼ପଣ୍ଡାଙ୍କ ଗିରଫଦାରୀ ବିରୋଧରେ ନ୍ୟାୟ ଦାବି କରି ଧାରଣା ଦେଇଥିଲେ।
ଅଧିକ ପଢ଼ନ୍ତୁ: ଲକ୍ଷପତି ଦିଦି ଏବେ କୋଟିପତି ଦିଦି ହେବେ: ଏସଏଚଜିରୁ ବିନା ସୁଧରେ ମିଳିବ ୧୦ ଲକ୍ଷ ଋଣ
Bhubaneswar | Unit-1 Girls High School Bhubaneswar