କଟକ : କଟକ ଜିଲା ଅନ୍ତର୍ଗତ ତୁଣ୍ଡା ଅଞ୍ଚଳରେ ଜଣେ ମହିଳାଙ୍କୁ ଯୌତୁକ ପାଇଁ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ବାପା । ମୃତ ମହିଳାଙ୍କ ନାମ ରାଜଲକ୍ଷ୍ମୀ ନାୟକ । ଗୋବିନ୍ଦପୁର ଥାନା ଅନ୍ତର୍ଗତ ତୁଣ୍ଡା ଅଞ୍ଚଳରୁ ଏଭଳି ଅଭାବନୀୟ ଘଟଣା ସାମ୍ନାକୁ ଆସିଛି । ରାଜଲକ୍ଷ୍ମୀଙ୍କ ବିବାହର ୩ ବର୍ଷ ପରେ ଶାଶୁ ଘର ଲୋକେ ଯୌତୁକ ପାଇଁ ବଡଝିଅକୁ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ବାପା ରମେଶ ନାୟକ । ଅଭିଯୋଗ ମୁତାବକ ସ୍ୱାମୀ ଦେବାଶିଷ ମଲ୍ଲିକ, ଶାଶୁ ଝରଣା ମଲ୍ଲିକ ଓ ଶସୁର ବିଭୁପ୍ରସାଦ ମଲ୍ଲିକ ମିଳିତ ଭାବରେ ବଡଝିଅ ରାଜଲକ୍ଷ୍ମୀଙ୍କୁ ବିବାହ ପରଠାରୁ ମାନସିକ ଓ ଶାରୀରିକ ନିର୍ଯାତନା ଦେଇଆସୁଥିଲେ । ଏନେଇ ଆଗରୁ ବାପଘର ଲୋକେ ନିଆଳୀ ଥାନାରେ ଏକ ଲିଖିତ ଅଭିଯୋଗ କରିଥିଲେ ଓ ଅଭିଯୋଗ ମୁତାବକ ସ୍ୱାମୀ ଦେବାଶିଷ ମଲ୍ଲିକଙ୍କୁ କୋର୍ଟ ଚାଲାଣ କରିଥିଲା ପୁଲିସ୍ । ପରେ ଉଭୟ ପରିବାରର ସହମତିରେ କୋର୍ଟରେ ସମାଧାନ ହୋଇଥିଲା । ଯେହେତୁ ରାଜଲକ୍ଷ୍ମୀ ଗର୍ଭବତୀ ଥିଲେ, ତେଣୁ ପିଲା ଓ ମା’କୁ ମାରିଦେବା ପାଇଁ ଶାଶୁଘର ଲୋକେ ବାରମ୍ବାର ଚେଷ୍ଟା କରୁଥିବା ନେଇ ଅଭିଯୋଗ କରିଛନ୍ତି ବାପା । ହଠାତ୍ ରଶ୍ମିତା ଆତ୍ମହତ୍ୟା କରିଥିବା କଥା ଫୋନ୍ ଯୋଗେ ଜ୍ୱାଇଁଙ୍କ ଠାରୁ ଖବର ପାଇବା ପରେ ବାପଘର ଲୋକେ ଘଟଣାସ୍ଥଳରେ ପହଞ୍ଚିଥିଲେ । ଖବର ପାଇ ଗୋବିନ୍ଦପୁର ପୁଲିସ୍ ଘଟଣାସ୍ଥଳରେ ପହଞ୍ଚିବା ସହ ତଦନ୍ତ ଆରମ୍ଭ କରିଛି ।
