ଉଜ୍ଜୟିନୀ: ମଧ୍ୟପ୍ରଦେଶର ଉଜ୍ଜୟିନୀ ଜିଲ୍ଲାରେ ଏକ ଟ୍ରେନରେ ଅଗ୍ନିକାଣ୍ଡ ଘଟିଥିବା ଘଟଣା ସାମ୍ନାକୁ ଆସିଛି। ରବିବାର ସନ୍ଧ୍ୟାରେ ଯାତ୍ରୀ ଭର୍ତ୍ତି ବିକାନେର-ବିଳାସପୁର ସୁପରଫାଷ୍ଟ ଏକ୍ସପ୍ରେସର ଏକ ଅଂଶ ହଠାତ୍ ଏଠାରେ ନିଆଁ ଲାଗିଯାଇଥିଲା। ଅଗ୍ନିକାଣ୍ଡ ଖବର ପାଇବା ମାତ୍ରେ ଟ୍ରେନରେ ବସିଥିବା ଯାତ୍ରୀଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଏହା ପରେ ଟ୍ରେନ୍ଟିକୁ ତୁରନ୍ତ ବନ୍ଦ କରିଦିଆଯାଇଥିଲା। ଜଣେ ରେଳ ଅଧିକାରୀ ଏହି ଅଗ୍ନିକାଣ୍ଡ ଘଟଣା ବିଷୟରେ ସୂଚନା ଦେଇଛନ୍ତି। ଅଧିକାରୀ କହିଛନ୍ତି ଯେ ନିଆଁକୁ ନିୟନ୍ତ୍ରଣ କରାଯାଇଛି ଏବଂ ଅଗ୍ନିକାଣ୍ଡରେ କେହି ଆହତ ହୋଇନାହାଁନ୍ତି।
ପଶ୍ଚିମ ରେଳବାଇର ରତଲାମ ଡିଭିଜନର ଜନସମ୍ପର୍କ ଅଧିକାରୀ ଖେମରାଜ ମୀନା ଅଗ୍ନିକାଣ୍ଡ ଘଟଣା ବିଷୟରେ ସୂଚନା ଦେଇଥିଲେ। ସେ କହିଛନ୍ତି ଯେ ବିକାନେର-ବିଳାସପୁର ସୁପରଫାଷ୍ଟ ଏକ୍ସପ୍ରେସର ‘ପାୱାର କାର’ (ଟ୍ରେନର ସେହି ଅଂଶ ଯାହା ଟ୍ରେନ୍କୁ ବିଦ୍ୟୁତ୍ ଯୋଗାଣ କରେ)ରେ ନିଆଁ ଲାଗିଯାଇଥିଲା। ଅଗ୍ନିକାଣ୍ଡ ଘଟଣା ସନ୍ଧ୍ୟା ପ୍ରାୟ ୫ଟାରେ ତରାନା ଏବଂ ତାଜପୁର ଷ୍ଟେସନ ମଧ୍ୟରେ ଘଟିଥିଲା। ସେ କହିଛନ୍ତି ଯେ ବର୍ତ୍ତମାନ ଯାତ୍ରୀବାହୀ ଟ୍ରେନର ‘ପାୱାର କାର୍’ରେ ଲାଗିଥିବା ନିଆଁକୁ ନିୟନ୍ତ୍ରଣ କରାଯାଇଛି। ମରାମତି ପରେ, ସନ୍ଧ୍ୟା ୬.୩୦ ରେ ଟ୍ରେନକୁ ତା’ର ଗନ୍ତବ୍ୟସ୍ଥଳକୁ ପଠାଯାଇଥିଲା।