ଲଣ୍ଡନ: ବ୍ରିଟିଶ ନୌସେନା(ରୟାଲ ନେଭି)ରେ ପ୍ରଥମ କରି ଜଣେ ଅଣଖ୍ରୀଷ୍ଟୀୟ ଧର୍ମଗୁରୁଙ୍କୁ ନିଯୁକ୍ତି ମିଳିଛି। ଏହି ଧର୍ମଗୁରୁ ଜଣଙ୍କ ହେଲେ ଭାନୁ ଆଟ୍ରି (୩୯)। ଭାନୁ ହିମାଚଳ ପ୍ରଦେଶରେ ଜନ୍ମ ହେବା ସହିତ ଏଠାରେ ବଢିଥିଲେ। ଏବେ ସେ ଏସେକ୍ସରେ ରହୁଛନ୍ତି। ସେ ବ୍ରିଟେନ ରୟାଲ ନାଭାଲ କଲେଜରୁ ଉତ୍ତୀର୍ଣ୍ଣ ହୋଇଛନ୍ତି। ସେ ରୟାଲ ନେଭିର ପ୍ରଥମ ଅଣ ଖ୍ରୀଷ୍ଟିଆନ ଧର୍ମଗୁରୁ। ନୌସେନାରେ ନିଯୁକ୍ତି ଧର୍ମଗୁରୁ ନୌସୈନିକଙ୍କୁ ଧାର୍ମିକ, ଜୀବନ ଧାରଣ ପ୍ରଣାଳୀ ଓ ମାନସିକ ବିକାଶ ନିମନ୍ତେ ଆବଶ୍ୟକ ପରାମର୍ଶ ଦେଇଥାନ୍ତି। ଏପରି କି ନୌସୈନିକଙ୍କୁ ସେମାନଙ୍କ କାର୍ଯ୍ୟସ୍ଥଳରେ ସେ ଆବଶ୍ୟକ ପରାମର୍ଶ ଦେଇଥାନ୍ତି। ଭାନୁ ଲଣ୍ଡନର ଏକ ହିନ୍ଦୁ ମନ୍ଦିରରେ ପ୍ରାୟ ୧୦ବର୍ଷ ଧରି ପୂଜାପାଠ କରିଆସୁଥିଲେ। ରୟାଲ ନେଭିରେ ଏବେ ପ୍ରାୟ ୪୦ଜଣ ହିନ୍ଦୁ ସୈନିକ କାର୍ଯ୍ୟ କରୁଛନ୍ତି। ବ୍ରିଟେନ ସୈନ୍ୟବାହିନୀରେ ଏବେ ପ୍ରାୟ ୧୫୫୦ ଜଣ ହିନ୍ଦୁ ସୈନିକ ଓ କର୍ମଚାରୀ ଅଛନ୍ତି।