ନୂଆଦିଲ୍ଲୀ: ସାଇବର ଠକେଇ ସମ୍ପର୍କରେ ଜନସଚେତନତା ସୃଷ୍ଟି କରିବାକୁ କେନ୍ଦ୍ର ସରକାରଙ୍କ ପକ୍ଷରୁ ମୋବାଇଲ ଫୋନ୍ରେ ଏକ ବାର୍ତ୍ତା ପ୍ରସାରିତ ହେଉଥିଲା। ବଲିଉଡ ମେଗାଷ୍ଟାର ଅମିତାଭ ବଚ୍ଚନ ଏଥିପାଇଁ କଣ୍ଠଦାନ କରିଥିଲେ। ତେବେ ଗୁରୁବାରଠାରୁ ଏହି ବାର୍ତ୍ତାକୁ ପ୍ରତ୍ୟାହାର କରାଯାଇଛି। ବର୍ତ୍ତମାନ ସାଇବର ଠକେଇ ମାମଲା ଯଥେଷ୍ଟ ହ୍ରାସ ପାଇଥିବାରୁ ଏଭଳି ବାର୍ତ୍ତାର ଆବଶ୍ୟକତା ନାହିଁ ବୋଲି ସରକାରଙ୍କ ପକ୍ଷରୁ କୁହାଯାଇଛି। କୌଣସି ଉପଭୋକ୍ତା ଫୋନ କରିବାକୁ ଉଦ୍ୟତ ହେଉଥିବାବେଳେ ପ୍ରଥମେ ଏହି ବାର୍ତ୍ତା ଶୁଣିବାକୁ ମିଳିଥାଏ। ତେବେ କୌଣସି ଜରୁରୀ ଫୋନ ପୂର୍ବରୁ ଏଭଳି ବାର୍ତ୍ତା ଯୋଗୁଁ ସମୟ ନଷ୍ଟ ହେଉଥିବା ଅଭିଯୋଗ ମଧ୍ୟ ଉଠିଥିଲା। ଅପରପକ୍ଷରେ ଅମିତାଭଙ୍କୁ ସାମାଜିକ ଗଣମାଧ୍ୟମରେ ସମାଲୋଚନାର ଶରବ୍ୟ ହେବାକୁ ପଡିଥିଲା। ପୂର୍ବରୁ କରୋନା ସମୟରେ ମଧ୍ୟ ଜନସାଧାରଣଙ୍କ ପାଇଁ ଉଦ୍ଦିଷ୍ଟ ସଚେତନତା ବାର୍ତ୍ତାରେ ଅମିତାଭ କଣ୍ଠଦାନ କରିଥିଲେ।
Comments are closed.