ଫୁଲବାଣୀ: ଜିଲ୍ଲା ଅବକାରୀ ବିଭାଗର ସ୍ବତନ୍ତ୍ର ସ୍କ୍ୱାଡ୍ ଗୋଛାପଡ଼ା ଥାନା ଅନ୍ତର୍ଗତ ବାଳନ୍ଦାପଡା ପଞ୍ଚାୟତର କଞ୍ଜାମାଇ ଗ୍ରାମ ନିକଟରେ ଥିବା ଜଙ୍ଗଲରେ ଚଢ଼ାଉ କରି ୩୪ଟି ବସ୍ତାରେ ଥିବା ୮ କ୍ବିଣ୍ଟାଲ ୫୦ କେଜି ଗଞ୍ଜେଇ ଜବତ କରିଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ୮୫ ଲକ୍ଷ ଟଙ୍କା ହେବ ବୋଲି ବିଭାଗ ପକ୍ଷରୁ କୁହାଯାଇଛି। ଚାଲାଣକାରୀମାନେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ଅବକାରୀ ଅଧୀକ୍ଷକ ସୁଶାନ୍ତ କୁମାର ପାଢ଼ୀଙ୍କ ନିର୍ଦ୍ଦେଶ କ୍ରମେ ସ୍ୱତନ୍ତ୍ର ଟିମର ଇନ୍ସପେକ୍ଟର ପୂର୍ଣ୍ଣଚନ୍ଦ୍ର ବେହେରାଙ୍କ ନେତୃତ୍ୱରେ ଭବାନୀ ଶଙ୍କର ସେଠୀ, ବିନୋଦ କୁମାର୍ ବସ୍କ, ପ୍ରକାଶ କୁମାର୍ ମଲ୍ଲିକ, ସୁମିତ୍ରା ଦଳେଇ ପ୍ରମୁଖ ଚଢାଉ କରିଥିଲେ। ଜବତ ଗଞ୍ଜେଇ ଜଙ୍ଗଲ ମଧ୍ୟରେ ଗଛ ଡ଼ାଳ ଘୋଡାଇ ବିକ୍ରି ପାଇଁ ରଖାଯାଇଥିଲା। ଏ ନେଇ ୧/୨୫ରେ ଏକ ମାମଲା ରୁଜୁ କରାଯାଇଥିବା ଇନ୍ସପେକ୍ଟର ବେହେରା ସୂଚନା ଦେଇଛନ୍ତି।
