ନୂଆଦିଲ୍ଲୀ: ଭାରତ ଏକ ବଡ଼ ବିଜୟ ସହିତ ବିଶ୍ୱକପ୍ ଅଭିଯାନ ଆରମ୍ଭ କରିଛି। ଟିମ୍ ଇଣ୍ଡିଆ ୨୯ ରନ୍ ରେ ଆମେରିକାକୁ ପରାସ୍ତ କରିଛି। ୨୦୨୬ ଟି-୨୦ ବିଶ୍ୱକପ୍ ର ଏହି ମ୍ୟାଚ୍ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଖେଳାଯାଇଥିଲା। ଭାରତୀୟ ଦଳ ପ୍ରଥମେ ବ୍ୟାଟିଂ କରି ୧୬୧ ରନ୍ କରିଥିଲା। ଜବାବରେ ଆମେରିକା ଦଳ ନିର୍ଦ୍ଧାରିତ ୨୦ ଓଭରରେ କେବଳ ୧୩୨ ରନ୍ କରିପାରିଥିଲା। ଅଧିନାୟକ ସୂର୍ଯ୍ୟକୁମାର ଯାଦବ ୮୪ ରନ୍ ର ଏକ ମ୍ୟାଚ୍ ବିଜୟୀ ଇନିଂସ ଖେଳିଥିଲେ।
ଆମେରିକା ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଆମେରିକୀୟ ବୋଲରମାନେ ଭାରତୀୟ ବ୍ୟାଟସମ୍ୟାନମାନଙ୍କୁ ବଡ଼ ସଟ୍ ମାରିବାକୁ ସୁଯୋଗ ଦେଇନଥିଲେ। ଅଭିଷେକ ଶର୍ମା ଏବଂ ଶିବମ୍ ଦୁବେ ସେମାନଙ୍କର ଖାତା ମଧ୍ୟ ଖୋଲିପାରି ନଥିଲେ। ତିଲକ ବର୍ମା ୨୫ ଏବଂ ଇଶାନ୍ କିଶାନ୍ ୨୦ ରନ୍ କରିଥିଲେ, କିନ୍ତୁ ଅଧିନାୟକ ସୂର୍ଯ୍ୟକୁମାର ଯାଦବ ୮୪ ରନ୍ ର ଅପରାଜିତ ଇନିଂସ ଖେଳିଥିଲେ। ସେ ୪୯ ବଲ୍ ରେ ଏହି ଅର୍ଦ୍ଧଶତକ ହାସଲ କରିଥିଲେ।
ଆମେରିକା ଦଳ ପାଇଁ ସେଡଲୀ ଭାନ୍ ଶାଲକୱିକ୍ ଚମକିଥିଲେ, ଗୋଟିଏ ଓଭରରେ ଇଶାନ କିଷନ, ତିଲକ ବର୍ମା ଏବଂ ଶିବମ୍ ଦୁବେଙ୍କୁ ଆଉଟ୍ କରିଥିଲେ। ସେ ଚାରି ଓଭରରେ ୨୫ ରନ ଦେଇ ଚାରିଟି ୱିକେଟ ନେଇଥିଲେ। ହରମିତ୍ ସିଂହ ମଧ୍ୟ ଦୁଇଟି ୱିକେଟ ନେଇଥିଲେ।
ଭାରତର ପ୍ରଥମ ବିଜୟ
ଏହା ୨୦୨୬ ଟି୨୦ ବିଶ୍ୱକପ୍ ରେ ଭାରତୀୟ ଦଳର ପ୍ରଥମ ବିଜୟ। ଏହା ପୂର୍ବରୁ ପାକିସ୍ତାନ ଏବଂ ୱେଷ୍ଟଇଣ୍ଡିଜ୍ ମଧ୍ୟ ସେମାନଙ୍କର ପ୍ରଥମ ମ୍ୟାଚ୍ ଜିତିଛନ୍ତି।